பதஞ்சலி முனிவர் வழிபட்ட சிதம்பரம் அனந்தீஸ்வரன் கோயில்

யோகா சூத்திரத்தை எழூதியவர் பதஞ்சலி என்பதால் இக்கோவிலில் உள்ள தூண்களில் யோகாசன முறைகள் சிற்பமாக வடிக்கப்பட்டுள்ளது. யோகாசன கலையிலும், கல்விக் கலைகளில் தேர்ச்சி பெறவும், நாகதோஷம் உள்ளவர்கள் நாகதோஷ நிவர்த்திக்கும் பதஞ்சலியை வணங்குகின்றனர். இங்கு ஆனித்திருமஞ்சனம், மார்கழி திருவாதிரை நாட்களில் பதஞ்சலி மகரிஷியும் புறப்பாடாவார். திருவாரூரை தவிர உலகிலுள்ள அனைத்து சிவாலயங்களிலுள்ள சுவாமிகளும் சிதம்பரத்தில் ஒடுங்குவதாக ஐதீகம். நடராஜர் கோவிலில் நடக்கும் அர்த்தஜாம பூஜைக்கு மகரிஷிகளும், முனிவர்களும் வந்து தரிசிப்பதாக ஐதீகம் இவர்கள் உச்சிக்காலத்தில் இங்கு அனந்தீஸ்வரரை தரிசனம் செய்வதாக தலவரலாறு கூறுகிறது. உச்சிகாலத்தில் இத்தலத்தையும் அர்த்தஜாமத்தில் சிதம்பரம் நடராஜரையும் தரிசனம் செய்வது விசேஷம். இங்கு சூரியன் சந்திரனும் அருகே உள்ளதால் நித்ய அமாவாசை தலமாக கருதப்படுகிறது. முன்னோர்களுக்கு முறையாக திதி, தர்ப்பணம் செய்யாதோரும், பித்ருதோஷம் உள்ளோரும் நிவர்த்திக்காக இங்குள்ள சிவனையும் சந்திரன் சூரியனையும் வணங்குகின்றனர்