உலகப் பிரசித்தி பெற்ற சிதம்பரம் நடராஜர் கோயில்

நடராஜப் பெருமான் திருநடம் புரிந்தருளும் இடம் சிற்றம்பலம். இதனையே ‘சித்சபை என்பர். சித்சபையில் நிகழும் திருநடனத்தை சிவகாமசுந்தரியார் இடையிராது கண்டு மகிழ்வது ஆன்மாக்களின் பிறவி பிணியை போக்குவதற்கே இச்சிற்றம்பலத்திற்கு முதலில் பொன் வேய்ந்தவன் இரண்யவர்மன் என்று கோயிற் புராணம் கூறுகின்றது.
சித்சபையில் சபாநாயகரின் வலப்பக்கத்தில் உள்ளது ஒரு சிறு வாயில் இதில் உள்ள திரை அகற்றுப்பெறும். ஆரத்தி காட்டப் பெறும். இதனுள்ளே திருவுருவம் ஏதும் தோன்றாது. தங்கத்தால் ஆன வில்வ தளமாலை ஒன்று தொங்கவிடப்பட்டுக் காட்சியளிக்கும். மூர்த்தி இல்லாமலேயே வில்வதளம் தொங்கும். இதன் ரகசியம் இறைவன் இங்கு ஆகாய உருவில் இருக்கின்றார் என்பதுதான். ஆகாயத்துக்கு ஆரம்பமும் கிடையாது, முடிவும் கிடையாது. அவனை உணரத்தான் முடியும் என்பதே இதன் அர்த்தம்