" செட்டிநாட்டின் சிற்பக்களஞ்சியம் " சிவபுரந்தேவி சமேத ஆட்கொண்டநாதர் திருக்கோயில்
திருக்கோயிலின் அமைப்பு
இவ்வாலயத்தின் இறைவன் ஆட்கொண்டநாதர், இறைவி சிவபுரந்தேவி, தல விருட்சம் வில்வம். இத்திருக்கோயிலில் மூலவரான ஆட்கொண்டநாதர் சுயம்பு மூர்த்தியாக காட்சியளிக்கிறார். அம்பாள் சிவபுரந்தேவி இரண்டு கரங்களுடன், தெற்கு நோக்கி காட்சி தருகிறாள்.
இரண்ய சம்ஹாரத்திற்கு பின் சினம் அடங்காத நரசிம்மரின் உக்கிரத்தை அடக்கி ஆட்கொண்ட தலம் என்பதால் ஆட்கொண்டநாதர் என்று அழைக்கப்படுகிறார். ஆட்கொண்டபின் சிவன் கோரமாக இருந்ததால் அவரை சாந்தப்படுத்த அம்பாள் சிவபூஜை செய்ததால் சிவபுரந்தேவி என்று அழைக்கப்படுகிறார்.
கோயிலின் மகா மண்டபத்தில் திருமாலின் பத்து அவதாரங்களும், நவ துர்கையின் ஒன்பது அவதாரங்களும் சிற்பங்களாக வடிக்கப்பட்டுள்ளன.
இத்திருக்கோயிலின் பிரகாரத்தில் வித்தக விநாயகர், அம்பிகை, கஜ லக்ஷ்மி, நவகிரகங்கள், குதிரையில் அமர்ந்த கோலத்தில் காட்சி தரும் குபேரன், வாயு பகவான் மற்றும் பைரவர் ஆகியோருக்கு தனித்தனி சன்னதிகள் உள்ளன.
பைரவர் இடதுபுறம் திரும்பிய நாய் வாகனத்துடன், கோரைப் பற்களுடன் காட்சி தருகிறார். இவருக்கு கார்த்திகை மாதத்தில் 6 நாட்கள் சம்பகசூர சஷ்டி விழா நடைபெறுகிறது.இவ்விழாவின் ஆறு நாட்களும் உற்சவமூர்த்தி பைரவர் மூலஸ்தானத்திற்குள் எழுந்தருளி பின்பு, பல்லக்கில் புறப்பாடாகிறார்.
விஷ்ணு, நரசிம்ம அவதாரத்தை ஆவேச வடிவத்தில் எடுத்தபோது, விஷ்ணுவின் சகோதரியான அம்பாள் தோற்றத்தைக் கண்டு தானும் உக்கிரம் அடைந்தாள். உக்கிரமானபோது உருவான திகள், சன்னதி எதிரிலுள்ள மண்டப தூண்களில் நவ திகளாக. காட்சி தருவதாகச் சொல்லப்படுகிறது.
இக்கோயிலில் பிரத்யேக மழைநீர் சேகரிப்பு அமைப்பு உள்ளது. பிப்ரவரி-மார்ச் மாதங்களில் மாசி மகம் நட்சத்திர நாளில் இறைவனுக்கு சிறப்பு அபிஷேகங்கள் செய்யப்படுகின்றன.