மஞ்சள் முகத்தழகும் மத்தியிலே பொட்டழகும்

மஞ்சள் முகத்தழகும் மத்தியிலே பொட்டழகும்

மங்களம் தருவதன்றோ 

மாணிக்க மூக்குத்தி முத்து பில்லாக்குமே 

மகிழ்வூட்டும் அலங்காரமே 

அஞ்சனம் தீட்டிய அம்புவில் விழிகளில் 

அகிலமே அடக்கமன்றோ 

அழகான காதினில் ஆடிடும் குண்டலம் 

அலைகடல் முத்து வகையோ 

தஞ்சமென வந்தவரை தாங்கிடும் கைகளில் 

தவழ்ந்திடும் தங்கவளையல் 

தங்கமென நெஞ்சிலே கொஞ்சிடும் மாலைகள் 

தாயவளின் பொற்குவியல்கள் 

கொஞ்சிடும் உதட்டிலே கூடிடும் புன்னகை 

கோடிக்கு கோடி பெறுமே 

குறையாத வாழ்வினை நிறைவாக தந்திடும் 

கொப்புடையம்மை உமையே!